Viðburðir Mannauðs

Hvað gerist á vinnustaðnum þegar stór hópur lykilstarfsfólks velur snemmtöku lífeyris — og hvernig getur HR breytt því úr áhættu í tækifæri?
Sífellt fleiri skoða snemmtöku lífeyris og hlutastarf sem leið til meiri sveigjanleika. Fyrir vinnustaði getur þetta þýtt bæði tækifæri og áskoranir. Í erindinu rýnum við í hvaða hvatar ýta undir snemmtöku, hvaða áhrif hún getur haft á vinnumarkað og vinnustaði og sýnum hagnýtar leiðir til að byggja upp stefnu og samtal við starfsfólk.

Vinnustofa fyrir þá sem eru „lengra komnir“.

CIPD ráðstefnan verður haldin dagana 4.-5. nóvember í Manchester.
Nánari upplýsingar og dagskrá koma fljótlega.

Mannauður ætlar að fara í ráðstefnuferð á HR FORUM 2026 sem haldin verður í Osló 11.-12. nóvember 2026. Þetta er 2 daga ráðstefna sem þeir kalla „Investing in people“. Ráðstefnan verður haldin í NOVA STUDIOS í Lillestrøm. Gist verður á Hotel Scandic Lillestrøm. Verðið fyrir okkur er 17.190 NOK og inniheldur ráðstefnuna, 3 hótelnætur, hádegismat báða dagana og „Mingling partý“ á miðvikudagskvöldið. Hver og einn sér um að greiða og bóka flugið sitt sjálfur.

Í þessu fræðsluerindi verður fjallað um jafnvægið sem einkennir góða stjórnun. Farið verður yfir algengar gildrur, hvort sem stjórnendur taka á sig of mikla eða of litla ábyrgð og hvernig hægt er að byggja upp heilbrigð mörk, efla ábyrgð starfsfólks en jafnframt styðja við það og skapa traust samstarf.

Einnig verður lögð áhersla á mikilvægi þess að stjórnendur og mannauðsfólk hlúi að eigin vellíðan, setji vinnunni skýr mörk og verði þannig betri fyrirmyndir fyrir starfsfólk sitt.

Hið geysivinsæla JÓLABINGÓ allrar fjölskyldunnar. Allir mega spila með og öll börn sem taka þátt fá jólaglaðning frá Mannauði.

Jane Morris, sérfræðingur í kulnun og MCC markþjálfi mun fjalla um kulnun og áhrifin sem kulnunin hefur á markþjálfann, markþegann og starfsemina.

Kynntar verða lykilniðurstöður, lykilmælikvarðar, þróun og alþjóðlegur samanburður á sviði mannauðsmála úr CRANET rannsókninni 2026. CRANET-rannsóknin er alþjóðlegt samstarfsverkefni um 40 háskóla í jafnmörgum löndum sem framkvæma reglubundið kannanir meðal mannauðsstjóra í aðildarlöndunum fyrir samanburðar-og langtímarannsóknir á sviði mannauðsmála. Markmiðið er að viðhalda og byggja upp þekkingu á sviði mannauðsstjórnunar í hverju landi fyrir sig – sem og alþjóðlega.

Á fundinum mun Eva Karen Þórðardóttir deila reynslu Símans af því hvernig þau hafa unnið með innri hvata til að efla þátttöku í fræðslu og þjálfun.

Í tilefni jólanna býður Deloitte félagsfólki Mannauðs í heimsókn til sín og í „JÓLAHAPPÝ“ fimmtudaginn 3. desember kl. 17:00. Þau ætla að segja okkur frá því hvernig þau hafa notað frammistöðustjórnun, allt frá markmiðasetningu til framtíðarþróunar í starfi. Eftir spjallið verður boðið upp á veitingar, bæði í föstu og fljótandi formi.

Hversu oft eru sömu starfsmannaupplýsingarnar skráðar, yfirfarnar eða leiðréttar á fleiri en einum stað? Flækjan í mannauðs- og launaferlum verður oft ósýnileg með tímanum. Í erindinu skoðum við hvernig má koma auga á hana, einfalda vinnulag, skýra ábyrgð og tryggja að fólk, ferlar, gögn og tækni vinni betur saman.

HR TECH 2027 er 1/2 dagsráðstefna Mannauðs sem fjallar um hvernig sífellt þróaðri tækni er beitt í mannauðsstjórnun og rekstri fyrirtækja með áherslu á nýjustu tækni, kerfi og lausnir sem móta framtíð vinnumarkaðarins. Markmiðið er að veita stjórnendum og fagfólki skýrari innsýn í þær breytingar sem eru þegar farnar að hafa áhrif og þær kröfur sem fyrirtæki standa frammi fyrir í síflellt harðnandi alþjóðlegri samkeppni.

Mannauðsdagurinn 2027, föstudaginn 8. október í Hörpu.