Herdís Pála Pálsdóttir stjórnendaráðgjafi fer yfir og ræðir „NÝJUSTU TREND“ mannauðsmála í heiminum í dag en í kjölfar heimsfaraldursins hafa ýmsar breytingar verið innleiddar sem lengi hafði verið talað um sem og áherslur mannauðsmála breyst heilmikið.
Fjarfundur á Teams
Á fundinum fer Einar Örn Davíðsson lögmaður yfir það hverjar trúnaðarskyldur stjórnenda gagnvart starfsmönnum og fyrrverandi starfsmönnum eru? Hvernig geta fyrirtæki tryggt sig gegn því að trúnaðarskyldur séu brotnar og hvaða leiðir eru til þess að bregðast við án þess að brjóta trúnaðarskyldu. Hvað telst málfrelsi í þessum málum?
Jólabingó (rafrænt) fjölskyldunnar 1/12 kl. 19:30.
Þvílíkt flottir vinningar eins og alltaf hjá félaginu. Allir velkomnir og allir fá sitt eigið spjald. Meðal vinninga eru gjafabréf og vinningar frá Íslandshótelum, Fly Over Iceland, Olís, Samkaupum, Gæðabakstur, ZO ON, Dominos, Ölgerðinni, 66 norður, Norðlenska, matarkörfur frá ISAM og World Class og það eiga örugglega eftir að bætast við fleiri vinningar. Verðum með aukavinninga fyrir þá sem ekki hreppa aðalvinninginn hverju sinni.
Vellíðan starfsmanna á vinnustað er einn af mikilvægustu lykilárangursþáttum sem stjórnendur fyrirtækja þurfa að hafa í huga í dag og passa vel upp á að séu í lagi og helst meira en það.
Hversu miklu máli skiptir stjórnunin og hvaða þættir þurfa að vera til staðar til að sem best takist til?
Ingibjörg Loftsdóttir, sviðsstjóri kortlagningar og forvarna hjá VIRK mun á fundinum fara yfir þessa þætti með okkur samhliða því að segja okkur frá verkefninu „Heilsueflandi vinnustaður“.
Nýfallinn dómur Hæstaréttar Íslands í máli Atla Rafns Sigurðssonar fyrrverandi starfsmanns Leikfélags Reykjavíkur gegn leikhúsinu hefur vakið upp fleiri spurningar en svör hjá mannauðsfólki.
Á fundinum mun Lára V. Júlíusdóttir lögmaður fara yfir niðurstöðuna og hvaða þýðingu hún hugsanlega hefur fyrir vinnumarkaðinn og okkur mannauðsfólk á Íslandi.
Skráning á fundinn í Borgartúni 23, 3. hæð.
Hlekkur verður sendur út þegar nær dregur
„Fljótt á litið virðist þetta mjög tengt hve störfin eru kynbundin, í skrifstofuhópnum eru konur í miklum meirihluta og þar er jöfnuðurinn meiri en því hærra sem hlutfall karla er í starfsstéttinni þá eykst ójöfnuðurinn meiri,“ segir Víðir Ragnarsson, forstöðumaður ráðgjafar hjá PayAnalytics um niðurstöður nýrrar rannsóknar á launamunum kynjanna.
Í Atvinnulífinu í dag og á morgun er fjallað um ólíka nálgun á jafnréttismálum. Annars vegar kynbundinn launamun en hins vegar fjölbreytileika og ómeðvitaða hlutdrægni vinnustaða.
Rannsókn Hagstofunnar nær yfir tímabilið 2008 til 2020 og hefur Hagstofan gert tölurnar aðgengilegar á vef sínum.
Atvinnulífið fékk Víði til að rýna í helstu niðurstöður og leggja mat á þá vegferð sem Ísland virðist á þegar kemur að því að meta og mæla kynbundinn launamun.
Í þeim efnum segir Víðir að það hvernig við metum störf ólík eftir kyni skýri að mestum hluta kynbundna launamuninn.
Forsætisráðuneytið hefur nú kynnt niðurstöður starfshóps um endurmat á kvennastörfum. Í niðurstöðum þess hóps er lagt til að teknar verði upp nýjar leiðir til að meta virði starfa og tryggja þar með að störfum sem skapa jafn mikið virði fyrir atvinnurekendur, sé umbunað eins.
„Hér á Íslandi hefur hingað til verið farin sú leið að bera saman lík störf innan fyrirtækja og leiðrétta launamun innan sömu starfa. Það er gott og blessað og við erum að sjá leiðrétta launamuninn minnka hratt. Það nær þó ákveðið langt og leiðréttir ekki stóru orsökina fyrir launamuninum sem ólíkt verðmætamat starfa á mjög kynskiptum vinnumarkaði,“ segir Víðir.
Víðir þekkir hins vegar vel til þessara mála víðs vegar í heiminum því í starfi sínu hjá PayAnalytics leiðbeinir hann fyrirtækjum erlendis og hér heima um leiðir til að mæla og bregðast við kynbundnum launamun.
Þessi vegferð sem forsætisráðherra hefur markað með tillögum starfshópsins hljómar ekki ólík þeirri sem önnur lönd til að mynda Kanada, Svíþjóð og Nýja Sjáland hafa farið við að uppræta kynbundinn launamun. Þar hefur verið leitast við að leiðrétta launamun milli ólíkra starfa sem skapa sama virði,“
segir Víðir og bætir við: „Þó svo að breytingin sé hæg þá eru ýmislegt sem bendir til þess að löggjafinn sé með puttann á púlsinum varðandi að endurmeta virði kvennastarfa og fara þannig nær því að uppræta ástæður launamunarins.“
Þegar verið er að tala um kynbundinn launamun heyrist oft talað um óleiðréttan launamun og leiðréttan launamun.
En ekki eru allir með á hreinu, hvernig ber þá að skilja þær tölur sem verið er að birta.
Til útskýringar á þessu segir Víðir:
Óleiðréttur launamunur, er munurinn á meðaltímakaupi karla og kvenna. Árið 2008 var þessi munur 20.5% en árið 2020 er hann 12,6% .
Þróunin er hæg í átt að meiri jöfnuði, konur fá að meðaltali 12,6% minna greitt fyrir sín störf en karlar.“
Þegar verið er að tala um leiðréttan launamun eru tölurnar hins vegar mun lægri. Til dæmis sýna tölur úr umræddri könnun Hagstofunnar að leiðréttur launamunur mældist 4.1% árið 2020.
Meginskýringin á þessu segir Víðir einfaldlega vera þá að konur og karlar eru í ólíkum störfum. Sem aftur þýðir að ábyrgð þeirra í störfum er ólík.
Leiðréttur launamunur telst sá mælikvarði sem ber saman laun tveggja einstaklinga í sömu atvinnugrein, í sama starfi og með sambærilega menntun en af ólíku kyni.
Í niðurstöðum Hagstofunnar er hægt að skoða óleiðréttan launamun eftir atvinnugreinum, starfsstéttum og hvort um opinberan eða almennan vinnumarkað er að ræða.
„Ég skoðaði þessa þróun eftir starfsstéttum og það sem mér finnst helst áhugavert þar er hve mikill munur er á starfsstéttum. Árið 2020 var nánast enginn óleiðréttur launamunur hjá skrifstofufólki, hjá stjórnendum var hann 18%, hjá sérfræðingum 16% og í tæknistörfum var launamunurinn yfir 22%,“ segir Víðir, sem aftur bendir á að þarna er um launamun að ræða sem mælist sérstaklega í starfsstéttum þar sem hlutfall karla er hátt.
Það er þó ekki þannig að alltaf halli á konurnar þegar mælingar eru gerðar.
„Önnur könnun sem fyrirtæki sem eiga aðild að Mannauði, félags mannauðsfólks, sýndi leiðréttan launamun á bilinu 0,5% konum í vil og 2% körlum í vil,“ segir Víðir og bætir við: „Þarna ber að hafa í huga að fyrirtækin sjálf tilkynntu þær niðurstöður og þau leiðrétta fyrir þeim þáttum sem skýra laun innan hvers vinnustaðar og það geta verið aðrir þættir en Hagstofan notar í sínum mælingum.“
Er meðvirkni á þínum vinnustað?
Meðvirkni á vinnustað getur leynst í hinum ýmsu skúmaskotum og þrífst oft ágætlega innan fyrirtækja án þess að starfsfólk eða stjórnendur geri sér grein fyrir því. Meðvirkni er ólíkindatól sem getur tekið á sig fjölmargar birtingamyndir og það eru ýmsar ástæður fyrir því hvers vegna meðvirknimynstur skapast á vinnustaðnum.
Sigríður Indriðadóttir, eigandi, ráðgjafi og þjálfari hjá SAGA Competence hefur sérhæft sig í því að þjálfa starfsfólk og stjórnendur í að greina og taka á meðvirkum aðstæðum sem geta skapast á vinnustöðum og í fyrirlestrinum ætlar hún að deila með okkur af þekkingu sinni og reynslu. Hún kíkir á það hvernig meðvirkni birtist og hvaða áhrif hún hefur á starfsfólk, menninguna og árangur fyrirtækisins, auk þess sem hún kynnir okkur fyrir ýmsum leiðum til að taka á meðvirkum aðstæðum á vinnustað.
Hvað ber að hafa í huga í fjölþjóðlegu starfsumhvefi?
Monika Waleszczynska ráðgjafi og sérfræðingur í því að starfa með fyrirtækjum hvað fjölþjóðlegt starfsumhverfi varðar leiðir fundinn en með henni á fundinum Telma Sveinsdóttir sem hefur mikla reynslu af því að taka á móti erlendu starfsfólki og starfa á stórum vinnustað með fjölbreyttum alþjóðlegum starfsmannahópi.
Jólagleði Mannauðs.
Fundur og léttar veitingar og tengslamyndun.
