Liðnir viðburðir

Alfreð í samvinnu við Faghóp Mannauðs á Noðrulandi, býður félagsfólki í hádegisverð og spjall þar sem m.a “Hæfnileit Alfreðs” verður kynnt – nýr valkostur í ráðningum. Léttur hádegisverður frá Majó í boði á fundinum.

Í fyrirlestrinum er fjallað um hvernig það er að bera ábyrgð á mannauðsmálum án teymis eða faglegs baklands, bæði styrkleika og áskoranir hlutverksins. Ólafur rýnir í tilfinningalegt og faglegt álag sem getur fylgt stöðunni, hvað getur farið úrskeiðis ef einangrun varir of lengi og hvernig nýta má styrkleikana án þess að brenna út. Einnig verða kynntar leiðir til að draga úr áhættu, setja skýr mörk og efla faglegt sjálfstæði.

Rafrænn fundur um helstu stjórnunarstrauma og áherslur í mannauðsmálum 2026. Rýnt verður í nýjar hugmyndir og aðferðir, breytt hlutverk mannauðsmála í stjórnun og ákvarðanatöku, og hvernig nýta má bæði nýjungar og enduruppgötvaða „klassík“ til að styrkja árangur og mannauð skipulagsheilda.

Á fundinum fjallar Þórey V. Proppé um hvernig mannauður, menning og færni skipta lykilmáli í innleiðingu gervigreindar. Lögð er áhersla á að árangur í notkun gervigreindar ráðist ekki einungis af tæknilegum lausnum, heldur af því hvernig fólk, hæfni og vinnustaðamenning styðja við breytingar og nýja nálgun í starfi.

Reykjavíkurborg styrkir viðverustjórnun með því að veita stjórnendum aðgang að sérfræðingum sem styðja við heilsu, vellíðan og lægri veikindafjarvistir. Aðgerðin er viðbót við núverandi viðveru- og heilsustefnu og miðar að markvissari stuðningi við stjórnendur.

Vinnustofa um stjórnunarstrauma og áherslur í mannauðsmálum 2026, haldin sem staðarfundur hjá Dale Carnegie í Ármúla 11. Fjallað verður um nýjar hugmyndir og aðferðir, þróun hlutverks mannauðsmála í stjórnun og hvernig nýta má bæði nýjungar og enduruppgötvaða „klassík“ til að styrkja árangur og mannauð skipulagsheilda.

Fyrirlestur um hvernig alþjóðastjórnmál hafa áhrif á leiðtogahlutverk mannauðsfólks og hlutverk mannauðsstjórnunar í að efla seiglu skipulagsheilda á óvissutímum. Lucas van Wees, fyrrverandi forseti EAPM og stjórnarmaður í WFPMA, fjallar um áskoranir og tækifæri mannauðsstjórnunar í síbreytilegu alþjóðlegu samhengi. Rafrænn fundur 21. janúar 2026 kl. 9:15-10:15.

Það er margt sem hefur áhrif á vinnudaginn sem ekki sést á yfirborðinu. Hormón móta hvernig við sofum, bregðumst við streitu, tökum ákvarðanir og höldum einbeitingu – án þess að við áttum okkur endilega á því. Á fundinum fer Halldóra yfir þennan ósýnilega áhrifavald og hvernig hormónabreytingar kvenna og karla, á frjósemisárum og síðar á ævinni, geta haft áhrif á líðan og frammistöðu í starfi.

Gígja Sunneva er með meistaragráðu í heilsusálfræði með stafrænum inngripum. Í fyrirlestrinum mun hún fara yfir heilsuvenjur okkar, ástæður þess að við náum ekki að viðhalda þeim og hvað við getum gert. Gígja fjallar einnig um virkni dópamíns í lífi okkar, stjórnstöðvar heilans og þátt þeirra í mótun hegðunar ásamt mikilvægi sjálfsþekkingar. Hún skilur þátttakendur eftir með hagnýt ráð til þess að styrkja heilsuhegðun, hvort sem það er fyrir okkur sjálf eða aðra í kringum okkur.