sigrun

Jón Jósafat Björnsson og Unnur Magnúsdóttir hjá Dale Carnegie og Viðar Pétur hjá Advania munu fjalla um þær helstu áherslur sem mannauðsfólk og stjórnendur þurfa að hafa í huga á nýju ári.

Á fundinum mun Hrefna Guðmundsdóttir, vinnu- og félagssálfræðingur fjalla um seiglu, jákvæða sálfræði og hamingjuna.
Hvernig er hægt að styrkja seiglu og hvernig geta verkfæri jákvæðrar sálfræði helst nýst á sviði mannauðsmála á vinnustöðum.

Mannauður, félag mannauðsfólks hjá ríkinu, í samstarfi við faghópa um ráðningar og mannauðsmál hjá ríkinu, stendur fyrir málþingi föstudaginn 24. janúar nk. Þema málþingsins er tækifæri og áskoranir í ráðningum innan ríkisgeirans. Á dagskrá verða fjölbreytt og fræðandi erindi sem varpa ljósi á ráðningarferlið frá mismunandi sjónarhornum, þar á meðal samanburð á ríki- og einkageira, hlutverk stoðþjónustu opinbera geirans og reynslu ráðningaskrifstofa. Markmið málþingsins er að skoða framkvæmd ráðninga hjá ríkinu, með áherslu á þau tækifæri og áskoranir sem fylgja ferlinu. Fjallað verður um lagaramma opinbera geirans og hvernig hann mótar ráðningarferlið. Að auki verða ræddar spurningar eins og: Stuðlar núverandi umhverfi að því að hæfustu einstaklingarnir séu ráðnir, eða setur það hindranir og þá hverjar? Hvað er vel gert í ráðningarferli hjá ríkinu? Hvaða tækifæri eru til staðar til að bæta ráðningarumhverfi ríkisins? Málþingið er kjörinn vettvangur fyrir fagfólk í mannauðsmálum til að skiptast á hugmyndum, læra af reynslu annarra og stuðla að umbótum í ráðningum hjá opinbera geiranum.

Fundarstjóri Bergrún Lilja Sigurjónsdóttir, sviðsstjóri sviðs fólks, upplýsinga og þróunar hjá Vinnueftirlitinu.

Nýársfagnaður Mannauðs 2025.
IKEA býður félagsfólki Mannauðs í heimsókn og þar ætlar félagið að fagna nýju ári með smá gleði og glæsilegum veitingum.

DAGSKRÁ
– Vaka Ágústsdóttir mannauðsstjóri IKEA mun segja okkur frá nýju breytingunum sem þau hafa verið að ganga í gegnum.
– Formaður Mannauðs, Adriana K. Pétursdóttir mun fara örstutt yfir liðið ár og þær áskoranir sem við stöndum fyrir á nýju ár.
– Sóli Hólm kemur í heimsókn með sitt vinsæla uppistand.

Á þessu námskeiði ætlum við að læra um og ræða alls kyns mannauðstölfræði og mælingar, bæði einfaldar og flóknari mælingar og formúlur.

Við munum ræða saman um og svara m.a. eftirfarandi:

• Hvernig á að reikna út ýmsa algenga mannauðstölfræði, t.d. starfsmannaveltu, nýliðun o.fl.?
• Hvernig getum við tengt mannauðstölfræðina betur við rekstrarniðurstöður vinnustaðarins?
• Hvernig á að reikna út aðra flóknari mannauðstölfræði eins og t.d. arðsemi mannauðs?
• Hvernig má tengja saman ólíkar mælingar og tölur frá vinnustaðnum til að greina eigin trend, að sjá betur hvað er að gerast á vinnustaðnum?
• Hvað segja tölurnar okkur og hvernig má nýta þær til að taka betri ákvarðanir?
• Hvernig er hægt að koma sér upp góðu mannauðs-mælaborði – hvort sem til staðar er þróað mannauðskerfi, sjálfvirknivædd mælaborð eða ekki.
• Hvaða tölur hjálpa til við að ná eyrum fjármálastjóra og forstjóra?
• Samvinna með fjármáladeildum o.fl.

Á námskeiðinu eru engar spurningar vitlausar.

Meginmarkmið námskeiðsins er að gera fólk öruggara með mannauðstölfræði og mælingar, enda á mannauðsfólk oft mikið af gögnum sem nota má mun betur til að bæta yfirsýn og skilning á því hvað er að gerast, taka betri ákvarðanir og eiga betra samtal við aðra stjórnendur vinnustaðarins.

Í lok námskeiðs ættu allir að vera búnir að fá betri innsýn og skilning á mannauðstölfræði og læra alls kyns skemmtilegar formúlur.

Jón Jósafat Björnsson og Unnur Magnúsdóttir hjá Dale Carnegie bjóða félagsfólki á vinnustofu þar sem fjallað verður um þær helstu áherslur sem mannauðsfólk og stjórnendur þurfa að hafa í huga á nýju ári.

Hvernig stuðlar mannsauðsfólk að farsælli endurkomu inn á vinnumarkaðinn?

VIRK býður mannauðsfólki úr atvinnulífinu á fræðandi og hvetjandi morgunverðarfund þar sem farið verður yfir hvernig hægt er að stuðla að farsælli endurkomu einstaklinga til vinnu. Teymið á bak við atvinnutengingu VIRK, ásamt sérfræðingum, deilir reynslu og verkfærum til að auðvelda fyrirtækjum að taka vel á móti starfsfólki aftur til starfa, jafnt nýju sem gömlu.

Á fundinum verður sérstaklega horft til ólíkra þarfa einstaklinga, hvort sem þær tengjast líkamlegum eða andlegum hindrunum, hvort skert starfsgeta sé til staðar eða lítil starfsreynsla á vinnumarkaði. VIRK kynnir sína nálgun og þjónustu, með áherslu á mikilvægi stuðnings og samvinnu mannauðsfólks.

 Að lokum: Atvinnulífstenglar VIRK verða til staðar fyrir spjall og umræður. Þetta er kjörið tækifæri til að læra meira og spyrja beint út í möguleika á samstarfi við VIRK.

Ekki láta þetta tækifæri fram hjá þér fara – fáðu innsýn í hvernig þú getur lagt þitt af mörkum til að skapa sterkara vinnuumhverfi fyrir öll!

 Dagsetning: 30. janúar 2025
Tímasetning: 09:00-10:00
Staðsetning: Borgartún 18, 105 Reykjavík
(Um er að ræða staðfund)

 Skráðu þig núna og tryggðu þér sæti!

Jólabingó fyrir alla fjölskylduna. Ótrúlega margir og stórglæsilegir vinningar.  Allir í fjölskyldunni mega spila með.
Bingóhlekkur og fundarhlekkur sendur þegar nær dregur.

Anna Claessen hjá Happy Stúdíó stjórnar.

VINNINGAR:
-FLYOVER ICELAND – gjalfabréf

-ARCTIC ADVENTURES GROUP – 3 gjafabréf (Snorklað í Silfru, Into the Glacier og Rauðhólshellir)
-KJARNAFÆÐI / NORÐLENSKA – jólakjötið (hangikjöt, hamborgahryggur og heiðalambalæri)
-ISLANDIA – 2 gjafabréf (Snjósleðaferð og Jökulganga)
-DALE CARNEGIE – gjafabréf

-SKY LAGOON – gjafabréf í lónið

-LAUGAR SPA – gjafabréf í Betri Stofuna
-BRIKK – föstudagskaffi fyrir 20 manns

-BLÁA LÓNIÐ  – gjöf
-ÍSLANDSHÓTEL/FOSSHÓTEL – gjafabréf

-ÚTILÍF – gjöf

-BORGARLEIKHÚSIÐ – gjafabréf

-BIOEFFECT – gjöf

-MYLLAN-ORA – gjafabréf  og jólakökur

-ARENA GAMING – gjafabréf

-SMÁTRÉ – gjöf (Lágtré með perluböndum)

AUKAVINNINGAR: Jólahúfur með ljósaseríu og jólasælgætispokar frá NÓA.
Öll börn sem taka þátt (þó þau vinni ekki, frá jólasælgætispoka frá NÓA

Bergur Ebbi, framtíðarfræðingur, leikari, uppistandari, rithöfundur, ljóðskáld, tónlistamaður og lögfræðingur býður félagsfólki í spjall um  „Húmor og mikilvægi jákvæðni og gleði í starfsmannahópnum“.
Bergur Ebbi er einn af reyndustu uppistöndurum landsins og hefur áralanga reynslu af fyrirlestrahaldi jafnt alvarlegur sem gamansömum.