sigrun

Vörumerki býr í huga fólks hvort sem það er starfsfólk, viðskiptavinir eða aðrir hagaðilar. Fyrirtækjum hættir til að vinna í sílóum þar sem mannauðsstjóri og markaðsstjóri hafa lítil samskipti um vörumerkið og því alls óvíst hvort þeir upplifi það á sama hátt. Þarna eru oft múrar á milli sem vaktaðir eru af landamæravörðum innan fyrirtækisins. Það er  mikilvægt fyrir þessa verði að þekkja vel bæði ímynd og sjálfsmynd vörumerkisins. Einungis þannig tryggja þeir nægar upplýsingar til að vinna störf sín sem best með hagsmuni fyrirtækisins að leiðarljósi.

Á fundinn mæta forsvarsmenn Bestu íslensku vörumerkja vinnustaða árið 2024 en þetta eru fyrirtæki sem hafa náð góðum árangri í að láta vörumerkið flæða á milli landamæra og tengja þannig jafnt við hug viðskiptavina og starfsfólks.

Fyrirlesarar:

Arion banki: Benedikt Gíslason, bankastjóri.

Advania: Hinrik Sigurður Jóhannesson, framkvæmdastjóri mannauðs og ferla.

Elko: Óttar Örn Sigurbergsson, framkvæmdastjóri.

Nova: Margrét B. Tryggvadóttir, skemmtana- & forstjóri.

Orkan: Auður Daníelsdóttir, forstjóri.

Þórsteinn Ágústsson framkvæmdastjóri Ziik á Íslandi mun kynna Norræna samskiptakerfið og samfélagsmiðlininn fyrir vinnustaði Ziik.

Þórsteinn mun fara í gegnum helstu sameiginlegu eiginleika Ziik og Workplace eins og smáskilaboð, hópa, fréttaveitu, geymslu fyrir verkferla og þekkingu og viðburði en einnig aðra viðbótar eiginleika. Eins og  aðlögun að eigin vörumerki og útliti vinnustaðarins, lestrar staðfestingum, öflugum API til að tengjast öðrum kerfum ásamt mörgu fleira.

Einnig fer hann yfir hvernig er hægt að flytja gögn og notendur á milli kerfana.

Sigrún Ósk Jakobsdóttir, mannauðsstjóri Advania, og Sylvía Rut Sigfúsdóttir, samskiptastjóri Advania, munu kynna ferli Advania við að finna arftaka fyrir Workplace. Þær munu ræða hvernig þau báru saman ólíkar vörur, hvaða viðmið og kröfur þau höfðu í huga, og af hverju Viva Engage varð fyrir valinu.  Einnig verður farið í gegnum innleiðingarferlið, áskoranir sem þau stóðu frammi fyrir og hvernig þau leystu þær.

Á fundinum mun Adriana K. Pétursdóttir formaður Mannauðs og framkvæmdastjóri mannauðsmála hjá Rio Tinto ásamt sérfræðingi og ráðgjafa frá Bjarkarhlíð sem er miðstöð fyrir þolendur obeldis og veita stuðning, ráðgjöf og fræðslu um eðli og afleiðingar ofbeldis ræða þessi mál.
Einnig verður fjallað um stefnur fyrirtækja í þessum málum og mikilvægi þess að til séu stefnur sem hægt er að fara eftir.

Hvernig hlustum við á teymi?

Örn Haraldsson, teymisþjálfari og markþjálfi (ACTC,PCC) fjallar um teymi, hvernig við hlustum á teymi , algengar áskoranir og teymisþjálfun.

Við förum yfir hvað felst í að hlusta á teymi og glímum við spurningar eins og:

– Hvernig getur misgóð hlustun litið út?

– Hvaða sjónarhorn þurfum við hafa?

– Í gegnum hvaða linsur horfum við?

– Hvernig beitum við okkur til að heyra og skynja teymið í heild sinni?

– Hversu meðvituð þurfum við að vera um okkur sjálf, okkar ástand, hugsanir og hlutdrægni.

Rafrænt PÁSKABINGÓ allrar fjölskyldunnar.
Allir mega spila með.
Glæsileg stór páskaegg í aðalvinninga og minni páskaegg í aukavinninga.
Öll börn sem spila með fá lítið páskaegg.

Hver ert þú sem stjórnandi – og hvernig upplifa aðrir þig?

Við höfum öll ´leader identity´ (óháð titli) – hvernig við hugsum, tökum ákvarðanir og höfum áhrif á aðra. En oft er munur á því hvernig við sjáum okkur sjálf og hvernig aðrir upplifa okkur. Þessi gjá getur hindrað árangur í leiðtogahlutverkinu og haft keðjuverkandi áhrif á teymi og fyrirtæki í heild.

Í þessu erindi mun Guðrún Lind fjalla um:

• Hvernig þú skerpir skilning á eigin ´leader identity´ og þróar áfram markvisst.
• Mikilvægi þess að fá innsýn í hvernig aðrir upplifa þig.
• Hvernig þú nýtir þessa þekkingu til að efla leiðtogafærni, seiglu og áhrif í forystu.

Þetta er einstakt tækifæri til að staldra við og skerpa sýn þína á það hver konar leiðtogi þú ert – og hver þú vilt verða.

Fyrirlesari er Guðrún Lind Halldórsdóttir, stjórnenda- og teymisþjálfi sem hefur unnið með hundruðum stjórnenda um allan heim. Hún rekur eigið fyrirtæki, Thrive REimagined, með aðsetur í Sviss, sem sérhæfir sig í að veita sérsniðnar lausnir fyrir stjórnendur sem vilja efla leiðtogafærni og byggja upp öflug teymi með markvissum hætti. Hún starfaði lengi sem stjórnandi á mannauðssviði í alþjóðlegum lyfjafyrirtækjum og hefur víðtæka reynslu af því að leiða stefnumótandi verkefni á sviði mannauðsmála, stjórnun og breytingastjórnun.

Ný Evróputilskipun um launagagnsæi – Áhrifin á Ísland!
Í maí 2023 var Evróputilskipun um launagagnsæi samþykkt í Evrópuþinginu en hún mun taka gildi í júní 2026 í aðildarríkjum Evrópusambandsins. Innan sambandsins er undirbúningur í fullum gangi en enn er óljóst með hvaða hætti hún mun koma til áhrifa á Íslandi en hún er sem stendur í skoðun hjá EFTA ríkjunum. Á þessum fundi er ætlunin að kynna Evróputilskipunina fyrir mannauðsfólki og hvaða breytingar hún er að boða í tengslum við laun og launamyndun á vinnustöðum til framtíðar. Dr. Margrét Bjarnadóttir sem kom að vinnu við undirbúning tilskipunarinnar mun segja okkur frá aðdraganda hennar og hvaða breytingar hún felur í sér. Harpa Lilja Júníusdóttir mun segja okkur frá meistaraverkefni sínu sem fjallar um launagagnsæi og hver möguleg áhrif hennar gæru orðið hérlendis. Helga Björg Ragnarsdóttir, framkvæmdastýra á Jafnlaunastofu mun segja okkur betur frá virðismati starfa og tilraunaverkefni sem hefur verið unnið á vegum Forsætisráðuneytisins.

Að loknum erindum mun panell með fagfólki sitja undir svörum en hann skipa Bjarki Þór Iversen, mannauðsstjóri ÍSTAK, Drífa Sigurðardóttir, Ráðgjafi hjá Attentus, Martha Lilja Olsen, Framkvæmdastjóri Jafnréttisstofu og Dr. Margrét Vilborg Bjarnadóttir.

Fyrirlesarar:

Dr. Margrét Vilborg Bjarnadóttir, verkfræðingur og dósent við Viðskiptaháskólann University of Maryland.
Margrét fékk nýlega fálkaorðuna fyrir framlag sitt til nýsköpunar á sviði hugbúnaðar í þágu jafnlaunastefnu.
Margrét mun segja frá Evróputilskipun um launagagnsæi.

Harpa Lilja Júníusdóttir, mannauðsstjóri hjá Set.
„Gagnsæi er grunnur að betra trausti“ – Er launagagnsæi handan við hornið? Harpa kynnir niðurstöðu rannsóknar meistaraverkefnisins síns.

Helga Björg Ragnarsdóttir, framkvæmdastjóri Jafnlaunastofu.
Helga mun segja frá tilraunaverkefni um virðismat starfa.

Fundarstjóri:
Víðir Ragnarsson, forstöðumaður viðskiptaþjónustu PayAnalytics