Viðburðir Mannauðs

Á fundinum fjallar Þórey V. Proppé um hvernig mannauður, menning og færni skipta lykilmáli í innleiðingu gervigreindar. Lögð er áhersla á að árangur í notkun gervigreindar ráðist ekki einungis af tæknilegum lausnum, heldur af því hvernig fólk, hæfni og vinnustaðamenning styðja við breytingar og nýja nálgun í starfi.

Rafrænn fundur um helstu stjórnunarstrauma og áherslur í mannauðsmálum 2026. Rýnt verður í nýjar hugmyndir og aðferðir, breytt hlutverk mannauðsmála í stjórnun og ákvarðanatöku, og hvernig nýta má bæði nýjungar og enduruppgötvaða „klassík“ til að styrkja árangur og mannauð skipulagsheilda.

Í fyrirlestrinum er fjallað um hvernig það er að bera ábyrgð á mannauðsmálum án teymis eða faglegs baklands, bæði styrkleika og áskoranir hlutverksins. Ólafur rýnir í tilfinningalegt og faglegt álag sem getur fylgt stöðunni, hvað getur farið úrskeiðis ef einangrun varir of lengi og hvernig nýta má styrkleikana án þess að brenna út. Einnig verða kynntar leiðir til að draga úr áhættu, setja skýr mörk og efla faglegt sjálfstæði.

Alfreð í samvinnu við Faghóp Mannauðs á Noðrulandi, býður félagsfólki í hádegisverð og spjall þar sem m.a “Hæfnileit Alfreðs” verður kynnt – nýr valkostur í ráðningum. Léttur hádegisverður frá Majó í boði á fundinum.

Fyrirlestur um jákvæða forystu - vísindalega studda kenningu sem tengir stjórnun, samskipti og menningu með hagnýtum hætti. Eyþór Eðvarðsson fjallar um hugmyndir Kim Cameron og hvers vegna þessi nálgun getur haft raunveruleg áhrif á vinnustaði og fólk. Rafrænn fundur á Teams miðvikudaginn 17. febrúar kl. 09:15-10:15.

The focus of this workshop will be Communication and Creativity in the workspace. These are the top two skills YOU voted as most important and most in need of development within your teams!
Here, you’ll get to experience the work first-hand. No lectures, no slides. Just serious play that transforms how teams connect, collaborate, and create.

Erindið fjallar um að greina snemma merki í gögnum vinnustaða, svo sem fjarveru, starfsmannaveltu og niðurstöður starfsmannapúlsa, og skilja þau sem vísbendingar um undirliggjandi áskoranir. Áhersla er lögð á forvarnir fremur en viðbrögð, þar sem stjórnendahæfni, regluleg samtöl og fyrirsjáanleiki skipta máli.

Hilja sýnir hvernig nýta má gögn á mannlegan og uppbyggilegan hátt án þess að þau verði eftirlitstæki, og hvernig grípa megi fyrr inn með því að þekkja einkenni og rauð flögg. Erindið byggir á raunverulegum dæmum og reynslu af forvörnum og viðverustjórnun í íslenskum vinnustöðum.

Aðalfundur Mannauðs fer fram fimmtudaginn 26. febrúar kl. 16:30-17:30 á Teams. Á dagskrá eru hefðbundin aðalfundarstörf, þar á meðal skýrsla stjórnar, reikningar, árgjald 2026, lagabreytingar og stjórnarkjör, auk umræðna um verkefni og áherslur næsta árs.

Rafrænn fyrirlestur um lífeyrismál fyrir mannauðsfólk þar sem farið er yfir helstu tímamót starfsævinnar og hlutverk mannauðsstjóra í að styðja starfsfólk með fræðslu og öryggi. Jenný Ýr Jóhannsdóttir, viðskiptastjóri hjá Lífeyrissjóði Verzlunarmanna, fjallar um hvernig mannauðsfólk getur með hagnýtum hætti nýtt þekkingu sína án þess að vera sérfræðingur í lífeyrismálum.

HR TECH 2026 fer fram þriðjudaginn 10. mars 2026 í Silfurbergi í Hörpu kl. 09:00-13:00. Ráðstefnan fjallar um nýjustu tækni, aðferðir og tól í mannauðsmálum sem móta framtíð vinnustaða. Aðalfyrirlesarar eru Christine Armstrong og Prithwiraj Choudhury. Fundarstjóri er Ketill Berg Magnússon.

Páskabingó fjölskyldunnar fer fram fimmtudaginn 19. mars 2026 kl. 17:30-18:30. Árlegur og vinsæll rafrænn fjölskylduviðburður þar sem spilað er bingó saman og glæsileg páskaegg eru í vinning. Öll börn sem taka þátt fá lítið páskaegg fyrir þátttökuna.

Kvartanir á vinnustöðum eru oft túlkaðar sem neikvæðni, mótþrói eða persónulegur vandi þess sem kvartar eða kvartað er undan og starfsfólk sem bendir á það sem betur má fara fær gjarnan á sig stimpilinn „erfitt“ eða „leiðinlegt“. Í mörgum tilvikum eru kvartanir þó fyrsta vísbending um að eitthvað sé ekki eins og það á að vera í samskiptum, skipulagi eða vinnustaðamenningu.

Í þessum fyrirlestri er fjallað um hvað kvartanir eru að segja okkur, hvað gerist þegar vinnustaðir hlusta ekki og hvernig bregðast þarf við áður en þær þróast í alvarleg mál, átök eða jafnvel einelti. Fyrirlesturinn byggir á rannsóknum í vinnusálfræði og reynslu af úrvinnslu krefjandi mála og miðar að því að styrkja vinnustaði í að takast á við kvartanir á uppbyggilegan hátt.

Fjallað verður um hvernig við getum dregið úr streitu  og eflt innri styrk og seiglu með því að þjálfa góðlátlegt sjálfstal. Lögð er áhersla á að nálgast sjálfan sig með samkennd í stað sjálfsgagnrýni og hörku. Erindið byggir á aðferðum úr Compassion Focused Therapy (CFT) og Mindful Self-Compassion (MSC), sem sameina núvitund, samkennd í eigin garð og taugasálfræðilegan skilning á streituviðbrögðum líkamans.