Sýningarsvæði - kynningaraðilar

Sýningarsvæðið í Norðurljósum verður tilbúið til uppsetningar klukkan 12:00, fimmtudaginn 5. október, daginn fyrir ráðstefnuna. Kynningaraðilar geta því sett upp sýningarbása frá 12:00 – 16:00 þann dag.
Við biðjum sýningaraðila í Norðurljósum að vera allir búnir að setja upp básana á fimmtudeginum.

Sýningarsvæðið í Hörpuhorni og á ganginum verður því miður ekki tilbúið til uppsetningar fyrr en kl. 6:00 að morgni ráðstefnudagsins 6. október.  Það verður að vera búið að setja upp alla básana fyrir kl. 8:00 en þá fara ráðstefnugestir að streyma inn.

 

Mikilvægt er að kynningaraðilar virði þessar tímasetningar.

Að gefnu tilefni vekjum við athygli á að hæð sýningarbása hefur verið takmörkuð við 2.5 metra nema með sérstöku samþykki.

Sýningin fer fram í Norðurljósum,  Hörpuhorni og ganginum fyrir framan Norðurljós og Eldborg.  Ráðstefnan hefst með afhendingu ráðstefnugagna og morgunverði  klukkan 08:15-8:45.  Hleypt verður strax inn í ráðstefnusalinn  og ráðstefnan sjálf hefst stundvíslega klukkan 9:00.

Ráðstefnugestir koma á sýninguna fjórum sinnum yfir daginn (birt með fyrirvara um breytingar á dagskrá).

08:oo – 9:00 Morgunverður
10:00 – 10:40 Kaffihlé
12:00 – 13:10 Hádegishlé
14:30 – 15:10 Kaffihlé

Að gefnu tilefni skal áréttað að óheimilt er að koma með aðkeyptar veitingar inn í Hörpu, þetta á bæði við um veitingar í föstu og fljótandi formi.

Ef bjóða á upp á veitingar á kynningarbásum skal hafa samband við veitingadeild Hörpu (grimur@harpa.is).

Hægt verður að fá leigð öll húsgöng í sýningarbásinn eins og  borð (hátt barborð/sveppaborð), stóla, barstóla, bæklingastanda og fleira hjá Recon sem sér um sýningarsvæðið.  Harpa hefur verið okkur innan handar með leigu á hvítum borðdúkum og leigu á skólastofuborðm.  Dúkarnir kosta 2.500 kr. en skólastofuborðin rukka þeir ekki fyrir.  Harpa leigir ekki háu sveppaborðin í ár.

Öll sýningarsvæði hafa aðgang að rafmagni og interneti.

Kynningaraðilum er frjálst að hafa fleiri aðila en einn á kynningarbásnum.
Hver kynningarbás fær sérstaklega merkta aðgangspassa fyrir sitt fólk með nafni fyrirtækisins.

Vilji kynningaraðilar taka þátt í ráðstefnunni þarf að greiða sérstaklega fyrir það. Miðasala á ráðstefnuna fer fram hér á vefnum.

Að gefnu tilefni viljum við biðja kynningaraðila um að hafa umhverfissjónarmið að leiðarljósi þegar kemur að því að útbúa kynningarefni og gjafir til ráðstefnugesta.

Undanfarin ár höfum við fengið vinsamlegar ábendingar frá Hörpu að Mannauðsdeginum fylgi mikið rusl þar sem þátttakendur fá mikið af efni frá kynningaraðilum sem þeir skilja eftir á borðum og endar þar með í ruslinu.

Við viljum því biðja ykkur um að hafa þetta í huga þegar kemur að því að útbúa kynningarefni til dreifingar á deginum og hvetjum ykkur til að nýta rafrænar leiðir til að koma efni til ráðstefnugesta.