Mannauðsdagurinn var fyrst haldinn árið 2011 og hefur með ári hverju vaxið og dafnað og er nú orðinn einn stærsti viðburður í greininni hér á landi. Árið 2017 sóttu ráðstefnuna á fimmta hundrað manns.
Á Mannauðsdeginum í ár verður fjallað um þau ótal verkefni sem mannauðsstjórar og mannauðsfólk í íslenskum fyrirtækjunum og stofnunum fást við á hverjum degi. Það eru verkefni á borð við helgun starfsmanna, ráðning á rétta fólkinu í réttu stöðurnar, fyrirtækjamenning, straumlínustjórnun, stefnumál og svo margt fleira. Efni ráðstefnunnar höfðar til stjórnenda, mannauðsstjóra, mannauðssérfræðinga, ráðgjafa í mannauðsmálum og fræðimanna sem fást við stjórnun fyrirtækja og rannsóknir.
Mannauðsdagurinn er vettvangur fyrir þá sem láta sig nútímalega stjórnun mannauðs varða. Fyrirkomulagið í ár verður, líkt og áður, blanda af fræðilegri og hagnýtri umræðu um mannauðsmál