Mannauður, félag mannauðsfólks á Íslandi var stofnað formlega árið 2011 en upphaf félagsins má þó rekja til félagsskapar starfsmannasatjóra stærri fyrirtækja á Íslandi sem hafði verið starfræktur frá tíunda áratug síðustu aldar.
Fram til ársins 2015 var félagið eingöngu opið íslenskum mannauðsstjórum en á aðalfundi félagsins árið 2015 var lögum félagsins breytt á þann veg að allir þeir sem stafa við mannauðsmál í íslenskum fyrirtækjum og stofnunum geta sótt um aðild að félaginu. Árið 2019 var félagið einnig opnað fyrir þeim sem sérhæfa sig í ráðgjöf og sölu á mannauðstengdri þjónustu.
Á stofnfundi félagsins árið 2011 var nafnið Flóra, félag mannauðsstjóra á Íslandi valið en á aðalfundi þess í febrúar árið 2018 var nafninu breytt í Mannauður, félag mannauðsfólks á Íslandi.
