Viðburðir

Nýfallinn dómur Hæstaréttar Íslands í máli Atla Rafns Sigurðssonar fyrrverandi starfsmanns Leikfélags Reykjavíkur gegn leikhúsinu hefur vakið upp fleiri spurningar en svör  hjá mannauðsfólki.
Á fundinum mun Lára V. Júlíusdóttir lögmaður fara yfir niðurstöðuna og hvaða þýðingu hún hugsanlega hefur fyrir vinnumarkaðinn og okkur mannauðsfólk á Íslandi.

Er meðvirkni á þínum vinnustað?

Meðvirkni á vinnustað getur leynst í hinum ýmsu skúmaskotum og þrífst oft ágætlega innan fyrirtækja án þess að starfsfólk eða stjórnendur geri sér grein fyrir því. Meðvirkni er ólíkindatól sem getur tekið á sig fjölmargar birtingamyndir og það eru ýmsar ástæður fyrir því hvers vegna meðvirknimynstur skapast á vinnustaðnum.

Sigríður Indriðadóttir, eigandi, ráðgjafi og þjálfari hjá SAGA Competence hefur sérhæft sig í því að þjálfa starfsfólk og stjórnendur í að greina og taka á meðvirkum aðstæðum sem geta skapast á vinnustöðum og í fyrirlestrinum ætlar hún að deila með okkur af þekkingu sinni og reynslu. Hún kíkir á það hvernig meðvirkni birtist og hvaða áhrif hún hefur á starfsfólk, menninguna og árangur fyrirtækisins, auk þess sem hún kynnir okkur fyrir ýmsum leiðum til að taka á meðvirkum aðstæðum á vinnustað.

Hvað ber að hafa í huga í fjölþjóðlegu starfsumhvefi?
Monika Waleszczynska ráðgjafi og sérfræðingur í því að starfa  með fyrirtækjum hvað fjölþjóðlegt starfsumhverfi varðar leiðir fundinn en með henni á fundinum Telma Sveinsdóttir sem hefur mikla reynslu af því að taka á móti erlendu starfsfólki og starfa á stórum vinnustað með fjölbreyttum alþjóðlegum starfsmannahópi.

Jólabingó fjölskyldunnar.
Öll fjölskyldan spilar með.  Hver og einn fær sitt eigið bingóspjald.  GAMAN, GAMAN, GAMAN.

Jólagleði Mannauðs.
Fundur og léttar veitingar og tengslamyndun.

Hvað er stafrænt mark og hvernig er það að þróast í heiminum í dag?

Fjallað verður um áhrif stafrænna umbreytinga á útgáfu viðurkenningaskjala hjá IÐUNNI fræðslusetri.

Varpað verður ljósi á hvað stafræn viðurkenning er og hver er ávinningur þess að umbreyta útgáfu viðurkenningaskjala við lok námskeiða úr pappír/pdf í stafrænar viðurkenningar.

Helen W. Gray þróunarstjóri IÐUNNA og S. Fjalar Jónsson, markaðs- og vefstjóri IÐUNNAR verða með fyrirlesturinn.

Vissir þú að fyrirtækið þitt getur sótt um styrki námskeiðshalds eða vegna námskeiða sem starfsmenn sækja?

Lýsing

Mannauðsstjórnun hjá alþjóðastofnun hefur annars konar flækjustig en mannauðsstjórnun á Íslandi. Þó að grunnþættirnir séu margir hverjir þeir sömu, þá er umgjörðin um starfsemina allt önnur. Varpað verður ljósi á starfsumhverfið hjá EFTA í Brussel, Genf og Lúxemborg. Meðal þess sem komið verður inn á er ráðningarferli EFTA og breytingar sem hafa verið gerðar á því á síðustu árum. Einnig verður fjallað um önnur viðfangsefni starfsmanna mannauðshóps EFTA og helstu verkefnin framundan.

Inga Hanna Guðmundsdóttir, Head of Human Resources, Administration EFTA  mun segja okkur frá því hvernig þau vinna hjá EFTA í Brussel.