sigrun

Málstofa um það hvernig við mannauðsfólkið getum virkjað erlent vinnuafl í þágu samfélagsins.

5 frummælendur segja frá sinni reynslu og upplifun á því að koma til Íslands og starfa þar.

Frummælendur:
Agnieszka Narkiewicz-Czurylo, þjónustufulltrúi hjá Landsbankanum
Barry Ward, sölustjóri The Reykjavík EDITION
Carolina Castillo, framkvæmdastjóri Iceland Tours
Melissa M. Muguia, framkvæmdastjóri gistisviðs Center Hotels
Robin Phaedra Mitchell, stjórnarformaður FlyOver Iceland

Fundarstjórar og umræðunni stýra: Jón Jósafat Björnsson, Dale Carnegi og Monika K. Waleszczynska, Attentus.

Microsoft þekkjum við flest í formi Word, Excel og PowerPoint. Á síðustu árum hefur Microsoft bætt við og þróað öflugar tæknilausnir sem við flest höfum nú þegar aðgang að og erum ekki að nýta okkur til fulls!

Í fyrirlestrinum mun ég einblína á Microsoft Power Platform (MPP), hvað það er og hvernig mannauðsdeildir geta nýtt sér þessi tól við að einfalda og sjálfvirknivæða ferla. Starfsmannasvið ISAL hefur undanfarið sett aukinn kraft í að sjálfvirknivæða ferla með þessum tólum og mun ég taka dæmi þaðan. Ég mun einnig fjalla um Microsoft List, hvað það er og hvenær sniðugt er að færa sig úr því að nota Excel yfir í að nota Microsoft List. Að lokum mun ég koma aðeins inn á notkun gervigreindar með MPP.

Viðburður á vegum Faghóps Mannauðs á Norðurlandi í samvinnu við Advania á Norðurlandi.
Advania á Norðurlandi býður öllu félagsfólki Mannauðs í heimsókn til sín á Tryggvabraut 10, Akureyri.

Á fundinum verður fjallað um það hvernig mannauðsfólk getur tæklað verkefnin með tækninni þannig að meiri tími skapist fyrir mannlega þáttinn.

Allir velkomnir og þið megið taka með ykkur gesti sem þið teljið að hefðu gagn og gaman af.

Hvað þýða nýju sjálfbærniviðmið ESB fyrir mannauðstjórnun íslenskra fyrirtækja?

Dagskrá:
– Sjálfbærnimarkmið Marel á Íslandi (Hrefna Haraldsdóttir, Location Manager Marel Iceland og Hildur Arnars Ólafsdóttir, Mannauðsstjóri Marel á Íslandi)

– Hvað þýða sjálfbærniviðmið ESB fyrir mannauðstjóra fyrirtækja (Ketill Berg Magnússon, Regional Director HR, North Europe og kennari í sjálfbærni við HR)

– Umræður

10.30 – Fundarlok

Flest fyrirtæki vita af mikilvægi fræðslu og endurmenntunar starfsfólks. En hvernig er hægt að gera fræðslu að hluta af daglegri starfsemi fyrirtækja? Hvaða áskoranir glíma fyrirtæki við þegar kemur að því að móta fræðslumenningu?
Aðalheiður Hreinsdóttir hefur um árabil unnið náið með mannauðs- og fræðslustjórum í að tækla þær áskoranir og leita lausna. Hún hefur stýrt reglulegum samtalsfundum þar sem að mannauðsstjórar ræða mikilvægi þess að virkja starfsfólk og ekki síst stjórnendur þegar kemur að fræðslu. Heiða fer yfir helstu punkta frá samtalsfundum um fræðslu og greinir frá því hvernig tímaskortur, skortur á skýrum fræðsluáætlunum og skilningsleysi á mikilvægi símenntunar standa í vegi fyrir framgangi og hvernig þessar hindranir geta dregið úr möguleikum fyrirtækja til að vaxa og dafna. Ljóst er mikilvægi þess að allir stjórnendur, allt frá æðstu yfirstjórn til millistjórnenda, séu ekki aðeins meðvitaðir um ávinning fræðslu heldur séu þeir einnig fyrirmyndir í fræðsluþátttöku. Heiða leggur áherslu á mikilvægi skilvirkra samskipta til að kynna gildi fræðslunnar og hvernig hægt sé að nýta skapandi leiðir til að hvetja og viðurkenna fræðsluþátttöku. Með því að leggja fram þessa nálgun, hvetur Heiða til aðgerða til að byggja upp menningu sem ekki aðeins styður við fræðslu og þróun, heldur nýtir þessa þætti til að efla fyrirtæki og starfsfólk til framtíðar vaxtar og velgengni.

Fyrirlesturinn er kynning á MSc verkefni Elínar Guðrúnar Þorleifsdóttur í mannauðsstjórnun og vinnusálfræði. Kynningin fjallar um áhrif og möguleika gervigreindar í mannauðlausnum á Íslandi.
Hún byggir á MSc rannsókn hennar, sem fjallar um viðhorf og traust mannauðsstjóra til gervigreindar og hagnýtingu hennar.

Vorráðstefna fagfélaganna, Mannauðs, SKY, FVH, Ímarks og Stjórnvísis.

Er nóg að vera frábær í breytingum til að ná árangri?  Eða þarf að fara á dýptina til þess að gera breytingar á vinnustaðnum auðveldari?

Fyrirlesturinn er fyrir stjórnendur, leiðtoga, umbótasinna, mannauðsfólk og aðra sem vilja ná árangri í breytingum.  Kynntar verða til sögunnar viðurkenndar aðferðir í breytingastjórnun í bland við sannreynda hugmyndafræði kennara sem ræðst á orsök vanda vinnustaðarins.

Ágúst hefur 20 ára reynslu af breytingum en hann starfar sem stjórnunarráðgjafi í breytingum hjá Viti ráðgjöf.  Auk þess kennir Ágúst við Opna háskólann.

Þróunarsvið Dale Carnegie í USA tekur árlega saman strauma og stefnur í mannauðsmálum. Nú hefur fyrirtækið bent á fjóra þætti mannauðsmála sem stjórnendur og HR fólk ætti að veita sérstaka athygli á næsta ári.

Á fundinum munu ráðgjafar Dale Carnegie á Íslandi fjalla um þessa þætti.

Fundurinn verður rafrænn.