Viðburðir

• Á síðustu árum hefur það færst í vöxt að fólk kjósi að sinna vinnu sinni annars staðar en á skrifstofu vinnuveitanda síns. Heimavinna eða fjarvinna er kostur sem sífellt fleiri atvinnurekendur kjósa að bjóða sínu starfsfólki upp á, í nafni aukins sveigjanleika í starfi. Þessa þróun má að hluta til rekja til aukinnar stafrænnar væðingar í samfélaginu sem hinn títtnefndi kórónuveirufaraldur virðist hafa flýtt fyrir.
• Þessa dagana er ekki óalgengt að einstaklingar nýti sér þau tækifæri sem felast í fjarvinnunni og haldi áfram að sinna daglegum störfum meðan það ferðast eða jafnvel þegar fólk sest að erlendis, hvort sem það er tímabundið eða varanlega.
• Um leið og fjarvinnan teygir sig yfir landssteinana er að ýmsu að huga, bæði fyrir starfsfólk og fyrir vinnuveitandann.
• Álitamál sem skapast eru margskonar, svo sem skattalegar skyldur aðilanna, hvaða réttindi og skyldur gilda um viðkomandi starfsmenn í nýju ríki, atvinnu og dvalarleyfi.

Lýsing

Starfsfólk á íslenska vinnumarkaðnum er að eldast og á næstu árum er stór kynslóð reynslumikilla einstaklinga að fara að hætta störfum sökum aldurs. Þessir einstaklingar hafa margir hverjir áratuga starfsreynslu hjá sínum fyrirtækjum og hafa öðlast sérþekkingu á starfsemi þess. Til að missa ekki þessa mikilvæga þekkingu frá sér þurfa fyrirtækin að bregðast við að þróa aðferðir til að yfirfæra þekkinguna með árangursríkum hætti.

Elín Greta Stefánsdóttir, mannauðsstjóri Verkís ætlar að bjóða okkur í heimsókn til sín og segja frá niðurstöðum rannsóknar sem hún gerði í tengslum við mastersverkefni um yfirfærslu þekkingar frá starfsmönnum sem eru að hætta sökum aldurs. Rannsóknin var gerð í nokkrum orkufyrirtækjum þar sem kannað var hvort fyrirtækin hefðu sett sér stefnu eða væru með ákveðna ferla við yfirfærslu þekkingar. Einnig var skoðað hvaða aðferðir viðmælendur töldu árangursríkastar að nota við yfirfærsluna og hverjar væru helstu hindranirnar.

Eftir fundinn stendur okkur til boða að skoða húsnæðið og vinnuaðstöðuna.
Vinnuumhverfið var endurhannað fyrir nokkrum árum þegar Verkís flutti í það nýtt.  Rétta vinnuumhverfið er mjög mikilvægt varðandi yfirfærslu þekkingar.

Fundurinn verður hjá Verkís, Ofanleiti 2 og hefst kl. 9:00. Léttur morgunverður frá kl. 8:30.

Lýsing

Starfsfólk á íslenska vinnumarkaðnum er að eldast og á næstu árum er stór kynslóð reynslumikilla einstaklinga að fara að hætta störfum sökum aldurs. Þessir einstaklingar hafa margir hverjir áratuga starfsreynslu hjá sínum fyrirtækjum og hafa öðlast sérþekkingu á starfsemi þess. Til að missa ekki þessa mikilvæga þekkingu frá sér þurfa fyrirtækin að bregðast við að þróa aðferðir til að yfirfæra þekkinguna með árangursríkum hætti.

Elín Greta Stefánsdóttir, mannauðsstjóri Verkís ætlar að bjóða okkur í heimsókn til sín og segja frá niðurstöðum rannsóknar sem hún gerði í tengslum við mastersverkefni um yfirfærslu þekkingar frá starfsmönnum sem eru að hætta sökum aldurs. Rannsóknin var gerð í nokkrum orkufyrirtækjum þar sem kannað var hvort fyrirtækin hefðu sett sér stefnu eða væru með ákveðna ferla við yfirfærslu þekkingar. Einnig var skoðað hvaða aðferðir viðmælendur töldu árangursríkastar að nota við yfirfærsluna og hverjar væru helstu hindranirnar.

Eftir fundinn stendur okkur til boða að skoða húsnæðið og vinnuaðstöðuna.
Vinnuumhverfið var endurhannað fyrir nokkrum árum þegar Verkís flutti í það nýtt.  Rétta vinnuumhverfið er mjög mikilvægt varðandi yfirfærslu þekkingar.

Fundurinn verður hjá Verkís, Ofanleiti 2 og hefst kl. 9:00. Léttur morgunverður frá kl. 8:30.

Alfreð býður félagsmönnum sem búa utan höfuðborgarsvæðisins og öllum sem hafa áhuga á, í HAPPY HOUR á SKY BAR á Center Hótel Arnarhvoli (á móti Hörpu).
Þeir sem búa úti á landi hafa þurft að koma degi til Reykjavíkur til að ná að komast á Mannauðsdaginn og þessi hópur hefur reynt að hittast á fimmtudeginum, átt skemmtilega stund saman og eflt tengslin sín á milli.

Nýlegur dómur Hæstaréttar um vinnutíma í ferðalögum á vegum vinnuveitanda.

Síðastliðið vor kvað Hæstaréttur upp dóm í máli nr. 52/2023 þar sem viðurkennt var að þær stundir sem starfsmaður ríkisstofnunar varði til ferðalaga á vegum vinnuveitanda teldust vinnutími. Dómur þessi hefur fordæmisgildi fyrir allan vinnumarkaðinn. Jón Sigurðsson hrl. mun í erindi sínu rekja dómsniðurstöðuna og hvaða þýðingu hún hefur á vinnumarkaði.

„Samkvæmt alþjóðlegum mælingum Gallup upplifa fjórir af hverjum tíu starfsmönnum streitu daglega. Þá má greina vaxandi örþreytu á síðustu árum sem er m.a. afleiðing af langvinnri streitu. Skortur á björgum ýtir undir streitu, en bjargir eru grundvallaratriði í helgunarmódeli Gallup. Stjórnenda- og vinnustaðaráðgjafar Gallup í samstarfi við Mannauð – félag mannauðsfólks á Íslandi bjóða til morgunverðarfundar þar sem tengsl streitu og bjarga verða til umfjöllunar sem og þær leiðir sem vinnustaðir geta gripið til til að draga úr streitu.„

Þessi fyrirlestur er byggður á EVOKE aðferðafræðinni, sem er listræn tækni þar sem einstaklingar fá sterkari innsæi á rætur sínar, gildi, þekkingu og markmið í samhengi við liðsheild fyrirtækis með nýstárlegri og skemmtilegri nálgun. Anna Rósa styður við vísindalega tækni frá HjartaGreind (HeartMath®) sem getur breytt grunnlínu hugarfars okkar og endurtengt heilann í gegnum hjartað. Með svokallaðri viðhorf öndunartækni er hægt að ná betri stjórn á streitu, auka hugrekki og taka hraðari ákvarðanir (stórar sem smáar). Hún mun ræða stuttlega um tauga mynstur, hvernig þau myndast og hvernig við getum endurstillt rótgróin, óæskileg mynstur og venjur með því að treysta hjarta greind okkar og ákvarðanatöku.

„Anna Rósa mun svo leiða þátttakendur í gegnum æfingu þar sem við finnum hjarta tengingu í sameiningu og breytum núverandi viðhorfi“

Anna Rósa Parker er hugmynda- og textasmiður, ráðgjafi og fyrirlesari.

Vinnumarkaðurinn hefur gengið í gegnum gríðarlegar breytingar á síðustu árum og hafa sprottið upp lausnir til leysa vandamál sem fylgja aukinnar fjarvinnu fólks, þá sérstaklega þegar kemur að fjarvinnu erlendis.

Sérfræðingar eru af skornum skammti á Íslandi og leita fyrirtæki nú í sífellt meiri mæli út fyrir landsteinana til að finna sérfræðinga t.d. forritara, sölufólk og gagnafræðinga. Þegar kemur að uppsetningu á þessum starfsmönnum skapast oft mikill hausverkur varðandi hvaða leið sé best að fara til að greiða þeim laun.

Á fundinum mun Davíð Rafn Kristjánsson fara í gegnum áskoranir og tækifæri sem felast í fjarvinnu á milli landa, EoR leiðina og framtíð vinnumarkaðarins. Það hefur orðið gríðarleg aukning í fjarvinnu eftir Covid faraldurinn og eru fyrirtæki, stofnanir og sérfræðingar að finna sem bestu leiðirnar til að leysa vandamálin sem hafa skapast í kringum fjarvinnu.

Davíð Rafn Kristjánsson er stofnandi og framkvæmdastjóri Swapp Agency á Íslandi.

Vinnustofa til að ræða ólíka anga á því hvort það sé eðlilegt eða nauðsynlegt að fyrirtæki séu virkir stuðningsaðilar í velferðarumhverfinu. Reynslusögur, bestu leiðirnar, umræða um arðsemi og frábært tengslanet.

Reynslan: Velferðartorg Orkuveitunnar

12.30: 

-Girnilegur og hollur hádegismatur frá ChickPea og tengslamyndun

-Samtal milli Unnar Jónsdóttur, leiðtogi í öryggis- og heilsumálum og Daða Reyni Kristleifssonar, sjúkraþjálfara um áskoranir og lausnir

Hver er þróunin í geðheilbrigðismálum? Hversu langt á fyrirtækið að ganga?

13.15:

– Kostnaður fyrirtækja og einstaklinga – skilar fjárfestingin sér?

– Hvað virkar og hvað ekki í velferðartækni: Hvernig kemur algrím til með að breyta?

– Nýir starfsmenn, Z-kynslóðin: hvernig er hún öðruvísi

Þorbjörg Helga Vigfúsdóttir

15.00

Hvernig fara gildi fyrirtækisins saman við stuðning í boði?

– Samtal og hópavinna um samleið og hvað vantar á milli þátttakenda

– Þróun hjá fyrirtækjum erlendis og “case studies”

15.30

Byggjum velferðartorg

– Kynning á hvernig velferðartorgin virka

– ROI: aðsemismódel 

– Verkefnavinna og samtöl um þarfir

16.00

Velferð mannauðsstarfsmanna: Hugmyndir og reynslusögur

16.30

Ljúfir drykkir og tengslanet

Faghópur Mannauðs á Norðurlandi býður til félagsfundar.

Mental og Mögnum hafa sameinað krafta sína í þágu andlegs heilbrigðis á vinnustöðum á Norðurlandi! Til að fagna þeim tímamótum er mannauðsfólki og stjórnendum á Norðurlandi í samvinnu við Faghóp Mannauðs á Norðurlandi, boðið á opna kynningu í samstarfi við Sjúkrahúsið á Akureyri og Mannauð.

Helena Jónsdóttir hjá Mental ráðgjöf og Sigríður Ólafsdóttir hjá Mögnun munu fjalla um mikilvægi þess að setja geðheilbrigði á dagskrá á vinnustöðum og deila upplýsingum um þá nálgun og aðferðarfræði sem beitt er til að stuðla að bættu andlegu heilbrigði innan vinnustaða.
Auk þess munu Erla Björnsdóttir og Kristjana Kristjánsdóttir frá Sjúkrahúsinu á Akureyri fjalla um vegferð SAK í tengslum við andlega vellíðan starfsfólks.

Boðið verður upp á léttar veitingar að lokinni kynningu og tækifæri gefst til tengslamyndunar.