Viðburðir

Í kjölfar COVID og þess álags sem það ástand hefur haft í för með sér  bæði hvað andlegt álag, hreyfingu og mataræði varðar og þess að framundan er aðventan og svo jólin með öllu tilheyrandi langar okkur að bjóða upp á smá heilsupistil frá Röggu Nagla sem allir þekkja og sem skefur ekki utan af hlutunum þegar heilsan á í hlut.

Ragga er sálfræðingur að mennt auk menntunar hennar og áralangrar reynslu  sem heilsu- og næringarráðgjafa og einkaþjálfara.

Undanfarnar vikur hafa mörg fyrirtæki þurft að bregða á það ráð að segja upp fólki til að mæta þeim gífurlega samdrætti sem átt hefur sér stað í efnahagslífi þjóðarinnar eftir að heimsfaraldurinn skall á. Uppsögn er eins og gefur að skilja átakanlegur atburður sem kallar fram sterkar tilfinningar. Hún getur raskað þeirri mynd sem fólk hefur af veruleikanum og veldur oft flóðbylgju af tilfinningum: reiði, höfnun, streitu, biturð, doða, skömm, sorg ofl. Íslensk fyrirtæki hafa oftast hugað vel að þeim sem missa vinnuna með því að bjóða upp á áfallahjálp, sálfræðilegan stuðning og ráðgjöf varðandi atvinnuleit. Einnig hafa stéttarfélög veitt félagsmönnum sínum ráðgjöf og aðstoð. Hins vegar gleymist oft að huga að þeim sem eftir „lifa“ eða „sleppa“, svokölluðum „lay-off survivors“ eða eftirstarfendur. Þeim líður oft verulega illa og í mörgum tilfellum virðist næstum því jafn erfitt að lenda í uppsögn og að lifa hana af.

Þeir sem starfa við mannauðsmál í fyrirtækjum gegna lykilhlutverki við aðstæður sem þessar og ef einhvern tímann hefur verið þörf á að efla mannauðsdeildir þá er það núna. Aðalmarkmiðið, samhliða því að halda rekstri í fullum gangi, er að draga úr því tilfinningalega tjóni sem fylgir uppsögnum.

Fyrirlesari: Ingrid Kuhlman, MSc í hagnýtri jákvæðri sálfræði, framkvæmdastjóri Þekkingarmiðlunar

Í þessum fyrirlestri verður farið yfir nokkrar þekktar og gagnlegar breytingakenningar og aðferðir sem gott er fyrir stjórnendur að þekkja. Dæmi um það er tómarúmið svokallaða sem William Bridges talar um sem er tíminn á milli þess sem var og verður. Í tómarúminu getur brugðið til beggja vona þ.e. bæði eru áhættur og tækifæri.

Óvissa er fylgifiskur margra breytinga en það eru stjórnunaraðferðir sem hafa mikil áhrif, eins og að hafa samráð um breytingar og kynna þær vel. Stundum þarf að taka fastar í taumana, sérstaklega ef annað hefur ekki virkað. Hægt er að kortleggja hvaða áhrif breytingar munu hafa á starfsmannahópinn.

Hlutverk stjórnenda á breytingatímum er gríðarlega mikilvægt og vitað er að hugmyndin um hinn sterka leiðtoga sem hrífur aðra með sér, vísar veginn og segir öllum hinum er ekki alveg sannleikanum samkvæm. Myndin er aðeins flóknari því oft veit stjórnandinn ekki alveg hvert lokamarkmiðið er eða hvernig á að komast þangað. Allur hópurinn þarf að fylgja, gæta þarf að kostnaði, tíma, vinnuframlagi, móral, ímynd, viðskiptavinum, tilfinningum, menningu, gildum o.fl.

Fyrirlesari: Eyþór Eðvarðsson, M.A. í vinnusálfræði, þjálfari og ráðgjafi hjá Þekkingarmiðlun

Lýsing

Mikilvægi þess að vera mannlegur í tæknidrifnum heimi!
Herdís  Pála Pálsdóttir, mannauðsstjóri Deloitte og félagsmaður Mannauðs, mun ræða um það hvað er framundan í mannauðsmálum, eða nýjustu HR trendin, samkvæmt nýútkominni skýrslu Deloitte, Deloitte Global Human Capital Trend.

Í lok fundarins verður boðið upp á spurningar og spjall um erindið.

Lýsing

Fyrirlestur Debru Corey mannauðs- og stjórnunarráðgjafa sem ber heitið „Riding the rollercoaster of employee engagement during and after the pandemic“.

HR ráðgjafarnir Morten Sars og Ingvild Johnson frá Ernst & Young AS  kynna  niðurstöður samnorrænu könnunarinnar sem við tókum öll þátt í og liggja nú fyrir.  En í könnuninni var „aðlögunarhæfni fyrirtækja“ (e. organizational Adaptability) skoðuð og tilgangurinn með rannsókninni var að skoða hversu vel norrænum fyrirtækjum hefur tekist að aðlagast breytingum á vinnumarkaði á undanförnum árum.

Lýsing

This masterclass will introduce attendees to the concept of a recognition pyramid, a tool and approach that will help you develop and deliver recognition programmes to effectively motivate and reward your workforce.

Debra will cover the following:

• The importance of recognition to your business and to your workforce.
• How you can develop a recognition pyramid.
• Trends in continuous, multi-directional recognition and its importance for a multi-generational workforce.
• Hear real-life stories of what leading companies have done to use recognition to increase employee engagement and improve business results.