Viðburðir

Kynning á niðurstöðum meistararannsóknar Eddu Bjargar Sigmarsdóttur á „LÍÐAN STARFSFÓLKS Á ÍSLANDI“.

Stóra fræðsluránið – Hvernig virkjum við sköpunargleðina?

Rannsóknir hafa bent á að fyrirtæki eyða miklum fjármunum í fræðslu sem skilar ekki langtíma árangri.
Birna mun fjalla um þetta og hvernig við getum notað sköpunargleðina til þess að leysa þetta kostnaðarsama vandamál.

Um Birnu Dröfn Birna Dröfn Birgisdóttir er meðstofnandi Bulby sem þróar sköpunargleði-hugbúnað til að markvisst efla sköpunargleðina. Birna hefur rannsakað hvernig efla má sköpunargleði á meðal starfsmanna í doktorsnámi sínu við Háskólann í Reykjavík og hefur þjálfað hundruðir einstaklinga og fyrirtæki í sköpunargleði. Birna Dröfn er viðskiptafræðingur með meistaragráðu í alþjóðaviðskiptum frá Griffith University í Ástralíu. Einnig er hún stjórnendamarkþjálfi, hefur lært NLP (Neuro-linguistic programming) og mannauðsstjórnun og hefur meðal annars starfað við stjórnun og kennslu.

Farið verður yfir heildstæða þjónustu Vinnumálastofnunar við flóttamenn og einstaklinga utan EES. Helstu atriði við umsóknir og afgreiðslu atvinnuleyfa, þjónusta við atvinnuleit og þjónusta stofnunarinnar við atvinnurekendur þ.m.t. umsóknir um ráðningarstyrki.
Það eru Þóra Ágústsdóttir, Edda Bergsveinsdóttir og Guðrún Valdimarsdóttir frá Vinnumálastofnun sem stýra fundinum.

Prósent í samstarfi við Mannauð, félag mannauðsfólks á Íslandi, Samtök Verslunar og þjónustu (SVÞ) og Stjórnvísi kynna spennandi fyrirlestur um kulnun Íslendinga á vinnumarkaði.

Kulnun Íslendinga
Prósent hefur framkvæmt rannsókn á kulnun meðal Íslendinga á vinnumarkaði frá árinu 2020.

Rannsóknarmódelið sem notast var við til mælinga er 12 spurninga styttri útgáfa af Maslach kulnunarmódelinu (MBI). Mældar eru þrjár víddir; tilfinningaleg örmögnun (e. emotional exhaustion), sjálfshvarf (e. depersonalization) og tilfinning fyrir lágum persónulegum árangri (e. a sense of low personal achievement).

Trausti Haraldsson, framkvæmdastjóri Prósents mun kynna helstu niðurstöður. Markmið fundar er að kynna hvernig staðan á vinnumarkaðinum er m.t.t. kulnunarstigs, hver staðan er fyrir og eftir Covid og þróunina á milli þessara tímabila.

Einnig verður kafað dýpra til að skoða hvort munur sé á milli hópa út frá starfi, fjölda tíma sem starfsfólk vinnur á viku, munur á opinbera geiranum og einkageiranum, kyni, aldri, búsetu, menntun og tekjum.

Dæmi um niðurstöður síðan 2021
Niðurstöður könnunar árið 2021 leiddu meðal annars í ljós að 32% Íslendinga 18 ára og eldri á vinnumarkaði finnast þeir vera útkeyrðir í lok vinnudags oftar en einu sinni í viku. 21% svarenda finnast þeir tilfinningalega úrvinda vegna vinnu sinnar oftar en einu sinni í viku og 12% finnast þeir vera útbrenndir vegna starfs síns oftar en einu sinni í viku.

Skráning á fundinn fer fram á þessum hlekk: https://svth.is/vidburdir/kulnun-islendinga-a-vinnumarkadi-fyrir-og-eftir-covid/

Við hefjum vetrarstarfið með „smá hittingi“ félagsmanna eftir sumarfrí. Þannig eflum við tengslanetið enn frekar og bjóðum nýja félaga velkomna til okkar.

Starfsánægja á Íslandi og leiðir til að auka hana!

Björn Brynjúlfur framkvæmdastjóri Moodup kynnir niðurstöður nýrrar greiningar Moodup á yfir 400.000 svörum við púlsmælingum.

Þórkatla Aðalsteinsdóttir, sálfræðingur og framkvæmdastjóri Líf & sál fjallar um árangursríkar leiðir um það hvernig við getum aukið starfsánægju.

Getur vellíðan í starfi verið lykill að öflugum vinnustað?
VIRK býður félagsfólki í morgunkaffi í Borgartún 18, Reykjavík.

Dagur og tími: Miðvikudagur 7. september kl 09.00 – 10.00. Veitingasalur VIRK Borgartúni 18, Reykjavík.

Sérfræðingar á forvarnarsviði VIRK kynna nýtt efni tengt líðan, streitu og starfsþróun á www.velvirk.is sem getur nýst mannauðsstjórum sem öðrum stjórnendum.

Fyrirlesarar verða Ingibjörg Loftsdóttir, sviðsstjóri á forvarnarsviði VIRK og
Líney Árnadóttir, sérfræðingur á forvarnarsviði VIRK.

Mannauðsrannsóknir og ráðgjöf Gallup bjóða félagsfólki Mannauðs að kíkja í morgunkaffi.

Eru allir að hætta?
Tómas Bjarnason sviðsstjóri hjá Gallup kynnir niðurstöður úr nýrri könnun um starfsleit og hreyfanleika á íslenskum vinnumarkaði.

Að skapa helgun með hugarfari grósku
Sóley Kristjánsdóttir og Auðunn Gunnar Eiríksson sérfræðingar hjá Gallup veita innblástur í stjórnenda að þvía ð stuðla að helgun starfsfólks.

Fundurinn verður haldinn hjá Gallup á Lynghálsi 4, Reykjavík og hefst kl. 9:00.

Thor (Þórhallur Flosason)  Head of Global Learning Operations hjá PepsiCola.
Erindi Thors heitir: Tímarnir breytast og mannauðurinn með: Fræðsla og þjálfun í fyrirtækjum á óvissutímum.

Ykkur er velkomið að bjóða stjórnendum ykkar og samstarfsfólki á fundinn.  Allir þurfa að skrá sig í skráningarkerfinu.