Hlutverk félagsins er að efla fagmennsku í mannauðsstjórnun í þágu íslensks atvinnulífs, standa vörð um hagsmuni félagsmanna og auka samvinnu þeirra á milli. Til að uppfylla það hlutverk stendur félagið reglulega fyrir viðburðum fyrir félagsmenn um ýmis málefni mannauðsstjórnunar.

Næstu viðburðir

21. maí 2019

09:30

Siðferði og líðan á íslenskum vinnumarkaði í kjölfar #metoo

Staðsetning: Grand hótel Reykjavík

#Metoo og hvað svo? Hvað segja nýjustu kannanir um stöðuna hér á landi?
Hvernig getur Siðferðisgáttin stutt við faglega úrvinnslu erfiðra mála?

Hagvangur og Zenter rannsóknir, í samstarfi við Mannauð, félag mannauðsfólks á Íslandi, boða til morgunverðarfundar þann 21.maí kl. 8:30-10:00 á Grand hótel.

 

 

 

4. október 2019

9:00-17:00

Mannauðsdagurinn

Staðsetning: Silfurberg, Harpa

Mannauðsdagurinn 2019

Mannauðsdagurinn var fyrst haldinn árið 2011 og hefur með ári hverju vaxið og dafnað og er nú orðinn einn stærsti viðburður í greininni hér á landi. Árið 2019 sóttu ráðstefnuna á fimmta hundrað manns.

 

 

 

Liðnir viðburðir

6. maí 2019

10:00-11:00.

Lífskjarasamningar – umræður.

Staðsetning: Origo, Borgartúni 37, Reykjavík.

Umræður um lífskjarasamninga

Félagið boðar til félagsfundar um nýja lífskjarasamninga þar sem rætt verður sérstaklega um útfærslur á ákvæði um styttingu vinnuvikunnar.

Á fundinn mæta fulltrúarnir Halldór Benjamín Þorbergsson og Ragnar Árnason frá Samtökum atvinnulífsins.

 

 

 

2. maí 2019

11:30 - 13:00

Sáttamiðlun – verkfæri mannauðsstjórans

Staðsetning: Bókasafn Kópavogs

Sáttamiðlun: Verkfæri mannauðsstjóra

Á fundinum verður farið yfir eftirfarandi:

  • Hvernig nýtist sáttamiðlun sem verkfæri fyrir mannauðsstjóra?
  • Kostir þess að innleiða sáttamiðlun í ferla fyrirtækja
  • Notkun sáttamiðlunar á vinnustöðum – fyrst og fremst í höndum mannauðsstjóra?
  • Frekari fræðsla um sáttamiðlun, hvar er hægt að læra meira?
  • Spurningar og umræður

Lilja Bjarnadóttir, sáttamiðlari og eigandi Sáttaleiðarinnar ehf. kynnir sáttamiðlun sem verkfæri fyrir mannauðsstjóra á hádegisfundi þann 2. maí 2019 frá 11:30-12:45

Hvar: Bókasafn Kópavogs, salur á 1. hæð.

 

 

29. mars 2019

8:30-10:00

Þróun fræðslu innan fyrirtækja

Staðsetning: Grand Hótel

Fræðslunefnd Mannauðs og Íslandshótel bjóða til morgunverðarfundar.
Á fundinum mun Stefán Karl Snorrason hjá Íslandshótelum fjalla um uppbyggingu fræðslu og mannauðsmála hjá hótelkeðjunni.
Að því loknu munum við að efna til markvissra umræðna á borðum um helstu áskoranir sem fræðslu- og mannauðsstjórar standa frammi fyrir varðandi fræðslu í fyrirtækjum.

 

19. mars 2019

11:30-13:00

Bylting í stjórnun!   Hamingja@vinnustað

Staðsetning: Bryggjan Brugghús Veitingahús.  Grandagarði 8, 101 Reykjavík.

Í nútíma samfélagi er umhverfið í kringum okkur að þróast og breytast mjög hratt og í því felst mikil áskorun fyrir fyrirtæki.
Hvernig gengur þínu fyrirtæki að bregðast við breyttu umhverfi?
Er fókus á mannauðinn og menningu fyrirtækisins til ná árangri?
Er hamingja á vinnustaðnum eða mikið álag og streita?

Á fundinum verður kynnt ný stjórnunaraðferð sem hefur það að leiðarljósi að skapa sveigjanlegri og meira skapandi vinnustað.

Fyrirlesarar: Pétur Arason og Maríanna Magnúsdóttir, Manino.

28. febrúar 2019

17:00 - 18:30

Aðalfundur Mannauðs, félags mannauðsfólks á Íslandi

Staðsetning: SÝN / VODAFONE við Suðurlandsbraut 8, 108 Reykjavík.

Aðalfundur Mannauðs, félags mannauðsfólks á Íslandi.

Dagskrá:
Skýrsla stjórnar.
Ársreikningur 2018.
Lagabreytingar.
Stjórnarkjör.
Önnur mál.

6. febrúar 2019

08:30 - 10:00

Bætt samskipti á vinnustað – Samskiptasáttmáli Landspítalans

Staðsetning: Landspítalinn við Hringbraut (Hringsal Barnaspítala Hringsins).

Á fundinum verður fjallað um samskipti á vinnustað, hvaða máli þau skipta fyrir árangur og líðan í starfi, og þá vegferð sem Landspítali hefur verið á frá upphafi árs 2018, með þróun og innleiðingu samskiptasáttmála innan spítalans. Í lok fundar gefst góður tími fyrir umræður félagsmanna um þróun samskipta á vinnustöðum og hvað mannauðsfólk getur gert til að bæta samskipti, með formlegum og óformlegum leiðum.

18. janúar 2019

08:30 - 10:30

Pælingar um TREND og áherslur í mannauðsmálum árið 2019!

Staðsetning: Hilton Reykjavík Nordica Hótel við Suðurlandsbraut.

Miklar breytingar virðast vera framundan á vinnumarkaði og nýjustu fræðin segja að sú hæfni og þekking sem við búum yfir í dag verði orðin úrelt 2030.
Á þessum breytingatímum þarf mannauðsfólk að vera vel vakandi og fylgjast mjög vel með því nýjasta hverju sinni sem og þeim tækjum og tólum sem í boði eru.

Herdís Pála Pálsdóttir mannauðsstjóri og félagsmaður Mannauðs, ætlar að kynna fyrir okkur það nýjasta sem þekktir fræðimenn eru skrifa um þessi mál þessa dagana.
Eftir kynningu Herdísar verður smá hugarflugsvinna á hverju borði með það í huga að fá fleiri sjónarhorn og hugmyndir í tengslum við viðfangsefnið

14. nóvember 2018

08:30 - 11:00

Stafrænt námsefni fyrir starfsmenn fyrirtækja

Staðsetning: Iðan fræðslusetur

Fyrirtæki af öllum stærðum og gerðum eru um þessar mundir annað hvort að íhuga eða jafnvel langt komin með innleiðingu á fjarnámsumhverfi. Fræðsluhópur Mannauðs og Iðan, fræðslusetur boða til fundar þar sem fjallað verður um þetta.

6. desember 2018

17:00 - 19:00

Jólagleði Mannauðs 2018 – mannauðsmál í fjölmiðlum

Staðsetning: Kaffi Nauthóll, Nauthólsvík

Árlegur jólafögnuður Mannauðs fer fram fimmtudaginn 6. desember. Á fundinum verður fjallað um aðstöðumun á starfsfólki og fyrirtækjum (mannauðsstjórum) þegar málefni eins og uppsagnir starfsmanna eru umfjöllunarefni fjölmiðla.

14. nóvember 2018

08:30 - 11:00

Stafrænt námsefni fyrir starfsmenn fyrirtækja

Staðsetning: Iðan fræðslusetur

Fyrirtæki af öllum stærðum og gerðum eru um þessar mundir annað hvort að íhuga eða jafnvel langt komin með innleiðingu á fjarnámsumhverfi. Fræðsluhópur Mannauðs og Iðan, fræðslusetur boða til fundar þar sem fjallað verður um þetta.

9. október 2018

08:30 - 10:00

Kynning á lífeyrissjóðakerfinu á Íslandi

Staðsetning: Grand hótel

Kynning á lífeyrissjóðakerfinu á Íslandi sem slíku en einnig fræðsla um það að sjóðirnir eru ólíkir, sumir opnir aðrir lokaðir, og fyrir hvað þeir standa.

25. október

08:30 - 10:00

Kulnun í starfi, hverjar eru orsakir og afleiðingarnar?

Staðsetning: Virk, starfsendurhæfing

Ertu komin(n) í þrot?   Fyrirlestur um KULNUN.

Linda Bára Lýðsdóttir, sálffræðingur og sviðsstjóri hjá VIRK mun fjalla um fyrirbærið kulnun (burn-out), segja frá þróun kulnunar og reyna að svara fjölmörgum spurningum sem vakna þegar rætt er um kulnun eins og:
-Hvað er kulnun?
-Er kulnun til eða er þetta ekki bara birtingarmynd á einhverju öðru?
-Vitum við hver staða mála er hér á Íslandi varðandi algengi kulnunar?
-Afhverju telja sumir sig finna fyrir kulnun og ekki aðrir?
-Eru frekar konur sem finna fyrir kulnun?
-Hvað veldur kulnun?
-Er kulnun í tísku?

6. september 2018

08:30 - 10:00

Vegferð Orkuveitu Reykjavíkur í Jafnréttismálum

Staðsetning: OR, Bæjarhálsi 1

Stjórnendur og starfsmenn Orkuveitu Reykjavíkur bjóða félagsmönnum til sín í heimsókn og ætla að miðla af reynslu sinni af vinnu þeirra með  jafnréttismálin.  Einnig ætla þau að segja okkur frá því hvernig vinna með gögn studdi vegferðina, hvað gekk vel, hvað þau ráku sig á og hvað mátti betur fara.

31. maí 2018

15:00 - 17:00

Eru allir að róa í sömu átt?

Staðsetning: Gamla bíó

Sameiginlegur viðburður Mannauðs og Ímarks.

Hvernig vinna mannauðs- og markaðsdeildir saman að því að skapa jákvætt og hvetjandi starfsumhverfi sem skilar árangri?

15. maí 2018

08:30 - 10:00

Jafnlaunavottun ÍST 85:2012 – ferlið hjá Virk

Staðsetning: Virk, Guðríðartúni

Auður Þórhallsdóttir sviðsstjóri mannauðs hjá VIRK og fulltrúi stjórnenda varðandi jafnlaunkerfið segir frá reynslu sinni af vottunarferlinu.  VIRK fór í lokaúttekt þann 6. apríl sl. og fékk þá umsögn frá vottunarstofu að mælt væri með að VIRK myndi öðlast vottun og að engin frábrigði hefðu fundist.

17. apríl 2018

15:00 - 17:00

Ekki bíða þar til þeir eru farnir?

Staðsetning: Verkís, Ofanleiti 1

Elín Greta Stefánsdóttir, mannauðsstjóri Verkís ætlar að bjóða okkur í heimsókn til sín og segja frá niðurstöðum rannsóknar sem hún gerði í tengslum við mastersverkefni um yfirfærslu þekkingar frá starfsmönnum sem eru að hætta sökum aldurs. Rannsóknin var gerð í nokkrum orkufyrirtækjum þar sem kannað var hvort fyrirtækin hefðu sett sér stefnu eða væru með ákveðna ferla við yfirfærslu þekkingar. Einnig var skoðað hvaða aðferðir viðmælendur töldu árangursríkastar að nota við yfirfærsluna og hverjar væru helstu hindranirnar.